Oблюбеный РЕТРО-АВТОБУС тіпу Шкода, котрый забезпечує кінопроєкцію, запаркує уж днесь в Пряшові. Прямо з нього ся промітать на полотні мобілне кіно під голым небом. В Пряшові ся тота културна подіія реалізує уж традічно в Загороді кумшту. Акція ся одбывать в рамках Пряшівского културного літа, під ґаранційов Парку културы і оддыху. І тот річник принесе колекцію пятьох ціловечерных філмів зо словеньской і чеськой продукції. Промітаня зачне днесь і потриме до неділі, а то каждый вечур коло 21-ой годины, або по змерьку.
(Анна Кузмякова)