x

Жытелі в Ніжнім Грушові мають страх о своє здоровя

00

Кыйовскый потік при Ніжнім Грушові у Вранівскім окресі од вчерайшого дня знову зачав інтензівні пінити. На проблем сельскый уряд попередили жытелі села. „Доволю собі твердити, же ту іщі в такій інтензіті піна цалково небыла,“ про пресову аґентуру ТАСР то повів староста села Ян Фенчак. Підкреслив, же потік ниґда неперестав пінити од першых імпулзів, котры подали в минулости, было то шак мірніше. Як далі староста повів, у вівторок а ани в ночі незазначіли нияку зражкову актівіту. „Вчера приближні пять мінут слабо сніжыло, также наісно то немогло овпливнити тоту піну в потоку. Небыли ани мінусовы теплоты. Є знову на зважіню, што ся діє,“ повів староста з тым, жы бы быв рад, кебы были одобраты взоркы з пару місць. Такым способом бы ся може в кінце кінців высвітлило што ся ту діє. Наісно і люде бы уж могли спокійніше спати і быти собі істы в тім, же їх здоровя неє огрозене.
(TASR)
Фото: TASR