x

З Пряшова до Ряшова а так еропланом до Ню Йорку

00

Жытелі Пряшівского краю будуть мочі просто з Пряшова путовати автобусом на аеродром у підряшівскій Ясюнці, а отамале аж до Ню Йорку. Дотеперішнє желізнічне споїня меджі Ряшовом і Меджілабірцями буде доповнене далшым, котре споїть Польщу зо Словакійов. 16-го фебруара 2018 р. в тій справі підписали договор маршалок Підкарпатьского воєводства Владіслав Ортиль і жупан Пряшівского краю Мілан Маєрьскый. Од 30-го апріля т.р. будуть даны до ходу еропланы з Ряшова до Ню Йорку. Годины приходу і одходу автобусів надвяжуть на годины прилетів і одлетів. Окрем того нове автобусове споїня дасть жытелям выходной части Словакії можливость хосновати леты і до іншых частей світа, напр. до Тел Авіву. Іщі не знати, котра транспортна компанія то буде забезпечовати, але знаме, же траса зачне уж в Кошыцях і піде через Пряшів до Ряшова. Із самого Пряшова є ближе до Кошыць, одкы суть орґанізованы перелеты на другый контінент, але про дакотры части Пряшівского краю є аеродром в Ряшові найблизше.
(А. Кузмякова)