x

Меджілабірська самосправа фінанчно підпорила взник очной амбуланції

00

Місто Меджілабірці з причины хыбаючого очного лікаря в місті од марця того року приходить з кроком підпоріня ходу очной амбуланції в місті до кінця рока місячні сумов 1 500 евр а з бютжету міста выділило і суму 30 000 евр на закупліня шпеціалізованых апаратів. Нова очна амбуланція на основі договору з новов очнов лікарьков зачне свою роботу за недовгый час, ші в тім місяці. Треба повісти, же місто Меджилабірці таков формов підпоры здравотництва скусености уж мать. В минулім року купило за 24 тісяч евр апараты до кардіолоґіцкой амбуланції. Лікаркі їх дали до найму за 100 евра місачно. Пріматор міста Владімір Вішньовскый іншу форму як фінанчный стімул про утриманя якостной здравотницькой старостливості в місті невидить. “Є то єдина дорога, як можеме достати лікарів до Меджилаборець. Держава нам в тій області нияк непомагать, мусиме сі помочі самі,“ підкреслює пріматор міста.
(Петро Кімак-фейко)