x

Міджілабірцї будуть мати мултіфункчну ледову плоху

00

Лабірчане будуть мати нову мултіфункчну ледову плоху, з выставбов якой хоче місто зачати в яри того рока. В тім роцї бы мали і спустити єй превадзку. Має быти збудована в ареалї Містьского шпортового клубу Спартак. Подля інформацій пріматора міста Владїслава Вішнёвского, передпокладаный розрахунок на выбудованя того шпортовиска є 320 000 евр. Часть фінанцій дав Пряшівскый самосправный край, а на далшу часть собі місто зобрало пожычку, яку буде сплачати три рокы. З властных здроїв місто выдїлило 70 000 евр. Ледова плоха буде мати розмеры 40х20 метрів. В зимі ся буде вывжывати на корчулёваня а в лїтї бы на нїй быв вытвореный простор про шпорты як є фодбал, гoкейбал, ногейбал ці теніс, таж буде мати цїлорочне вывжытя. Інформацію принїс портал Humenne.24.
(Зденка Цітрякова)