x

Міджілабірцї хотять лїкарїв шпеціалістів – підпорять їх і фінанчно

00

Міджілабірцї лакають до міста офталмолоґів. Приспіють на розбігнутя очной амбуланції, закуплять пристрої. Самосправа підпорить чінность очной амбуланції до кінця рока місячно сумов 1500 евр. З розрахунку купить шпеціалізованы пристрої за 30 тісяч евр. Очна амбуланція в містї фунґовала до марца того рока, покы дохторка не одышла до пензії. Жытелї так зістали без офталмолоґа. Ословили дохторів в Гуменнім, Снинї, Стропкові і Свіднику. Інтерес з їх боку не быв великый. Предбежнї ся добісїдовали з офталмолоґічков з Гуменного, увів пріматор Міджілаборець Владїслав Вішнёвскый. Дохторка бы мала ордіновати в амбуланції раз до тыждня. Пристрої купить місто а дохторцї їх дасть до найму за поплаток. Таку скушеность уже мають з кардіо пристроями, якы сі тоже місту мусило закупити саме. Пріматор іншу форму, як фінанчный стімул про захованя якостной здравотной старостливости в містї не видить. Є то подля нёго єдина путь, як можуть здобыти дохторів до Міджілаборець. Підкреслює, же штат їм в тій сферї ни як не помыгать, так мусять собі помочі самы.
(Зденка Цітрякова)