Гуменска самосправа інвестовала до оправы стріхы дому служеб Центрум, котрый ся находить на Намістю слободы, 169.300 евр. Ішло о фінанції з властного розрахунку. Про Пресову аґентуру СР то повіла ведуча одбору територіялного планованя і выставбы містьского уряду Катаріна Амброзова. Як далі увела ведуча одбору, вымінов і затепліньом пошкодженой стріхы ся значно понижить енерґетічна нарочність цілого обєкту. Тот за єй словами быв выбудованый в 1988 року. „В минулості были на будові вымінены окна, в будучности ся ші рахує зо затепліньом єй стін в рамках реалізації новой фасады, “ приближыла ведуча одбору. На основі єй дальшых слов в обєкті евідують 18 найомных договорів.
(TASR)