Інштітут русиньского языка і културы Пряшівской універзіты в Пряшові приготовив на днесь уж 44-ый научный семінарь карпаторусиністікы. Темов семінаря є богослужобный язык православных Русинів. З лекційов на тему Православны Русины на Словакії і вопрос їх богослужoбного языка (Погляды, вызвы, прямованя)  выступить на семінарі Петро Савчак з Катедры практічной і сістематічной теолоґії Православной богословской факулты Пряшівской універзіты в Пряшові. Семінарь буде в засідалні Ректорату Пряшівской універзіты, на уліці 17-го новембра чісло 15 зо зачатком од 13-ой годины. В проґрамі семінаря буде і презетація найновшых выдань із карпаторусиністікы.
(Петро Кімак-Фейко)