x

Од нового року буде Свидник мати жытельску порядкову глядку

00

Місто Свидник успіло із свойов жадостьов на дотаціюна зряджіня жытельской порядковой глядкы і од нового рока планує вытворити єй шістьчленну ґрупу. Средства на тот ціль у вышкі 140.000 евр здобыла радниця з ненавратного фінанчного вкладу Міністерства внутра Словацькой републикы в рамках операчного проґраму людськы джерела на підпору охороны общого порядку в селах і містах с притомностьов марґіналізованых комуніт. Місто буде актівіту сполуфінанцовати пятима перцентамі, што цілковы наклады так перевышать 150.000 евр.
(Петро Кімак-фейко)