x

О кошыцьке летіско є фурт великый інтерес

00

В першій половині рока 2017 летіско Кошыці прівітало 187 126 путуючіх, што представує меджірічный наріст о 11 процентів. В конкретных чіслах іде о наріст 18 384 путуючіх в порівняно с першов половинов  2016 рока. Найбівше путуючіх  выужыло лінкы з Кошыць до Братіславы, Прагы, Києва, Лондіна, Коліна, Тел Авіву, Відні ці Варшавы. Як за словами выконного директора і председы представенства кошыцького летіска Міхаела Тмея выпливать, же такы превадзковы выслідкы в першім календарнім півроку немали уж од року 2008.
(Петро Кімак-Фейко)