По окресах Пряшівского краю проходять окресны конкурзы 19-го річника Духновічів Пряшів, котрых головным орґанізатором є Русиньска оброда на Словеньску. 18-го мая проходило окресне змаганя в Меджілабірцях, де брало участь 25 декламаторів. В понедільок продовжовав конкурз в Снині, віторок у Свіднику а днесь в Старій Любовні. Декламаторы, котры на окресных конкурзах здобудуть першы місця в окремых катеґоріях і жанрах, як декламація русиньской поезії і прозы, властной творчости, народного росповіданя ці малых сценічных форму, будуть брати участь на цілословацькім конкурзі Духновічів Пряшів, котрый буде 11-го юна в Пряшові.
(А.Кузмякова)