В Пряшівскім краю ся зачало з реконштрукціов на многых середніх школах і дальшых школскых інштітуціях. Пряшівскый самосправный край выділив із свого бютжету бівше як 5,8 міліонів евр а дальшы фінанції у вышкі 2,7 міліонів евр придбав з еврофондів. Модернізація і обнова ся дотуляла 40 середніх школ і школскых інштитуцій. Найбівше фінанцій, 1,3 міліонів евр, піде до Татранской Лесной на комплетну реконштрукцію і модернізацію Школы в природі, далей значны фінанції підуть і на Середню одборну школу на Ґарбіарску улицю в Кежмарку, потім на Споєну школу до Сабінова, Ґімназія до Вранова над Топльов, школскы інтернаты до Попраду, Бардійова а до реконштрукцій многых фізкультурных залів ці шпортовых ареалів при школах в дальшых містах нашого реґіону.
(Петро Кімак-Фейко)