x

Пряшів будує дальшый ціклопішник

00

Пряшівска радниця приправила в минулім року вісем проєктів на выставбу ціклопішників, котры поступово реалізує. Цілкова довжына нововыбудованых трас буде мати коло 15 кілометрів і будуть стояти приближно 2,8 міліонів евр. На дакотры проєкты місто достало дотації іші в минулім року. Звышны праві переходять процесом одобрюваня і місто уж мать і позитивну одповідь на дальшы зо своїх жадостей. Інформував о тім пресовый референт Мілан Ґрейтак. Як далі повів “Місто Пряшів здобыло дальшу дотацію. Ненавратный вклад з операчного проґраму Інтеґрованый реґіоналный операчный проґрам на тот раз підпорить выбудованя дальшого ціклопішника на Секчові. Піде і трасу од улиці Лаца Новомеского по Шалґовік. Завдякы Европской унії так в Пряшові прибуде скоро 850 метрів обосторонного пішника про ціклістів“.
(Кімак-Фейко)