Пріматор міста Свідник Ян Голодняк передав Ціну пріматора міста Янови Калинякови із нагоды його округлого жывотного юбілею – 70-ох років жывота. Ціна Калинякови была уділена за розвиток народностных меншын і народностной културы. Ян Калиняк є знамый в русиньскім середовиску як актівіста. Быв єдным із основаючіх членів Русиньской оброды, стояв і коло выникнутя Округлого стола Русинів Словеньска, довгы рокы быв председом Окресной орґанізації Русиньской оброды у Свіднику. Є автором дакілько публікацій писаных по русиньскы як Народне весіля, Дві віфлеємскы гры, Ярьны русиньскы співанкы ці Юрко Цимбора. Калиняк быв і членом Выбору про народностны меншыны і етнічны ґрупы Рады влады Словацькой републікы за русиньску меншыну.
(Петро Медвідь)