Уж 40 років існує в Левочі Регабілітачне заряджіня про зраково постигнутых. Є єдинов інштитуційов свого типу на Словакії, котра давать освіту і приправує про торг праці людей у віку од 18 до 60 років. Дана інштитуція была зряджена Міністерством праці, соціалных діл і родины с цільом комплексной основной робочой регабілітації і рекваліфікації. Вызнам даной інштитуції, за словами Бріґіты Албертовой з Регабілітачного заряджіня про зраково постигнутых є в тім великый, же перед роком 1977 у нас небыло подобной інштитуції. Зраково постигнуты были зохаблены свойому осуду без можности адаптації на зміну жывотных условій і без приправы на знову здобытя самостатности, незалежности і можности про робоче і сполоченске уплатніня.
(Петро Кімак-Фейко)