x

Русиньска делеґація на навщіві жупана Пряшівского краю

10

В понедільок 14-го януара представителі русиньскых орґанізацій ся зышли в Пряшові на робочій стрічі з Міланом Маєрьскым, председом Пряшівского самосправного краю. Председа Русиньской оброды на Словеньску Мартін Караш, Петро Мікула, член єй Выконного выбору, Петро Штефаняк за Русин Медії і директор радія Русин.фм, Петро Мацко і Марек Чопяк, членове Выконного выбору орґанізації молоды. Русины інформовали жупана о діятельстві русиньскых орґанізацій. Головныма пунктами засіданя была підпора краю при орґанізованю Світового конґресу Русинів і Світового форуму русиньской молодежи, котры будуть у тім році проходити на Словакії, але і покровительство жупана над першым Репрезентачным балом Русинів, котрый буде 16-го фeбруара т.р. в Пряшові. Жупан высловив згоду з покровительством над русиньскым балом і приобіцяв підпорити Світовый конґрес Русинів. (А. Кузмякова)