В літературній кавярні Віола в Пряшові буде презентація русиньского фолклору, котру орґанізує Коморный театер в Пряшові. По недавнім успішнім выступліню із великодныма звыками фолклорістів із села Тихый Потік, в четверь вечур о 17-ій годині ся представить фолклорна ґрупа Яворина із села Торіскы. Торісчане выступлять із своїма традіціями, як то было даколи на вечурках ці прядках, укажуть весільный обряд чепіня невісты і іншы звыкы свого села. При тім вшыткім не будуть хыбити торісчаньскы доброты, як солодкый кух, котрый дають скоштовати і участникам події.
(Петро Кімак-Фейко)