Од 2-го до 8-го юла 2018-го року было тридцять дітей із Войводины в Сербії на Літній школі в Попраді. Літню школу абсолвубали діти, котры ся навчають русиньскый язык з елементами народной културы як добровольного предмету і діти з навчаньом русиньского языка з Руського Керестура, Коцура і Дюрдьова. Інформовала о тім аґентура Рутенпрес. Тот рік проходив вже 4- ый річник Літньой школы в Попраді. Як і в попередніх роках єй орґанізатором быв Націоналный совіт русиньской народностной меншыны. Вєдно із дітми до Попраду пришло і сім учітелів, котры дітям выкладали русиньскый язык, реліґію, історію, ґеоґрафію, інформатіку і музичну выхову. Дітям было фінанцоване уквартельованя, страва і часть вытрат на подорожіня. Тот рік першыраз часть вытрат платили і школяри. Окрім навчаня были про них проготовлены шпортовы актівности ці навщівы околіці.
(Кімак-Фейко)