Ґрекокатолицька церьков ся вчера розлучіла із своїм помічным єпіскопом Miлaнoм Лахом, котрый одходить до Споєных штатів Америкы. В Катедралі святого Яна Крестителя в Пряшові ся о 16-ій годині одбыла свята літурґія. Богослужбу одправляв пряшівскый архієпіскоп метрополіта Ян Бабяк вєдно із нововыменованым апостольскым адміністратором єпархії Парма Міланом Лахом. Нa літурґії Бабяк подяковав Лахови за його 4-річну службу помічного єпіскопа і протосінкела Пряшівской aрхієпархії.
(Анна Кузмякова)