Інштітут русиньского языка і културы ПУ днесь на святочнім закінчіню о 18.00 годинї передасть двацятцї участникам Меджінародной лїтнёй школы русиньского языка і културы цертіфікаты о успішнім закінчіню тритыжднёвого проґраму навчаня русиньского языка, історії і етнофґафії. Подїя ся одбуде в просторах Атрія на Флоріановій уліцї в Пряшові, де сьте і вы сердечно позваны. На тот час здобыло цертіфікат Studium Carpato-Ruthenorum уже скоро 200 штудентів з різных країн світа. Проєкт Лїтнёй школы є єдным з найуспішнїшых проєктів Інштітуту русиньского языка, котрый самы абсолвенты дотеперїшнїх рочників оцїнюють на дуже великій уровни і в порівнаню з Лїтнїма школами іншых языків. По скінчіню того рочника орґанізаторы уж зачінають з приправами юбілейного 10. рочника, на котрый орґанізаторы обіцяють штось шпеціалне.(Цітрякова)