Брусел, резіденцію Европской унії, собі ракускый сполковый канцелар Себастіян Курц выбрав як ціль свойой першой заграничной робочой дорогы по тім, як днес ся уяв свойой функції. Курцову завтрайшню навштіву Бруселу підвердила і Европска комісія. Аґентура ДПА то оцінює як ґесто, котре мать демонштруовати проевропске спрямованя Австрії під новым владным кабінетом і вывернути обавы дотуляючіся будучности Відні в блоку. Нова коалічна влада зложыла славностный слюб до рук презідента Алехандра Фан дер Белена днес о 11 годині.
(TASR)