x

АНО і ЧССД приправили дефінітівну подобу коалічного договору і проґрамовы пункты про будучу владу

00

Заступниці веджіна політичных партій АНО і ЧССД вчера вечур приправили дефінітівну подобу коалічного договору і проґрамовы пункты про будучу владу. На основі пресовой говоркыні руху АНО Луції Кубовічовой обідві партії ся договорили на вшыткых пунктах, k подобі проґрамового выголосіня і коалічного договору ся шак высловлять аж завтра, в пятницю. Як інформував справодайскый сервер Новинкы.цз, єден з проблематічных пунктів было то, ці бы заместнавателі мали компензовати робітникам першы три дні підпору з хвороты і в якій вышкі, што теперь неє. На підпору з хвороты ся наконець на основі Кубовічовой обідві партії договорили. Тото опатріня мало бы быти діюче од 1. юла 2019 року і заместнавателі бы мали робітникам компензовати 60 процент основного заробітку.