У четверь представителї країн Брітанії і Франції підписали договор заміряный на злїпшіня охраны і справованя їх взаємных граніц і гуманнїшый приступ к міґрантам. Взаємне засїданя влад ся одбыло у воєньскій академії в брітьскім містї Сандгурст. Тереза Меёва з Еммануелом Макроном на пресконференції повіли, же Лондон вычленить далшых 45 міліонів лібер на то, жебы Франціі поміг боёвати з нелеґалнов міґраціов до Брітанії. Макрон конштатовав, же дякуючі договору ся скоротить час потрїбный на сістемове выбавлїня міґрантів, котры ся стримують в приставі Калаіс на северї Франції. Макрон бы подля аґентуры АП быв рад, кібы Брітанія прияла на свою теріторію веце міґрантів з Калаіс, но конкретне чісло не уточнив. Інформацію принїс справодайскый портал teraz.sk.
(Зденка Цітрякова)