Представителі німецькых партій унії CDU/CSU і соціалных демократів із SPD про тырваючі незгоды у вопросах робочого рынку, здравотництва і загранічной політікы знова продовжыли коалічны їднаня в Берліні. Партії унії CDU/CSU дали партнерам із SPD в понедільок ясно знати, же не докажуть в повній мірі зробити подля їх желань в споминаных областях. Очековало ся, же їднаня о коаліції будуть закінчены в понедільок. На основі того, же ся партії не договорили, їднаня продовжують і у віторок. Покля прийде ку згоді, ку договору о вытворіню коаліції бы могло дійти до кінця того тыждня.
(Медвідь, TASR)