На празькім Вацлавскім намістю і в далшых містах в понедільок проходили демонштрації проти зволіню Зденька Ондрачка із Комуністічной партії Чех і Моравії за нового председу парламентной комісії про контролю Ґенералной іншпекції безпечностных зборів. Демонштрантам перешкаджать, же до чола быв выбратый колишній член Збору народной безпечности, котрый брав участь на потискованю протикомуністічных демонштрацій в році 1989.
(TASR)