Посадка шпанєлской гуманітарной орґанізації нашла в ночных годинах 167 міґрантів в ґумовім човні унашаным в Середоземнім морі. Ратовникы сучасно інформували, же 13 з них включно жен было мертвых. Міґранты такым способом пробували на пашерацкій шыфі здолати тяжку трасу з Лібії до Европы. В Середньоземнім морі загынуло од зачатку того рока при пробі переплавити ся до Европы найменше 2 200 людей, говорить о тім штатистика меджінародной орґанізації про міґрацію.
(Петро Кімак-Фейко)