Веце як тісять людей мусило до недільнього вечора одыйти із своїх обысть в дослідку великых лісных пожарів в містечку Момпантеро і навколішніх селах в реґіону Піємонт на северозападі Італії. Почас пожарів у неділю выбухли і дві бомбы з Другой світовой войны. Інформовала о тім аґентура ANSA. Уряды окрім іншых евакуовали і 185 жытелів домова про пензістів. Пятьох перевезли до шпыталю, решта ішла до церьковных комуніт і готелів. Пожары в долині Вал ді Суса тырвають вже дакілько тыжднів. Думать ся, же то діло підпалячів. Подля актівістів того рока згоріло в Італії 135-тісяч гектарів ліса, што є трираз веце як попореднього рока.
(Петро Медвідь)