x

Гурікан Гарві собі выжадав уже 39 жертв. В Атлантіку ся зродив далшый гурікан

00

Офіціалне чісло жертв заплав выкликаных тропічнов бурёв Гарві ся підвышив на 39 мертвых і 17 пропавшых. Америцькый штат Тексас засягла буря іщі як гурікан. Інформовала о тім аґентура АП з тым, же сім новых жертв в ночі наголосив Інштітут форензных наук в тексаськім оресї Герріс. Лем із самого Геррісу , в котрім лежить і заплавами найвеце потерпівше місце Гюстон, голосять жертв на жывотох. Чекать ся, же америцькый презідент Доналд Трапм, може іщі днесь пожадать Конґрес о суму 5,9 міліарды доларів на поміч потерпівшым теріторіям. Трамп ся высловив, же сам дасть міліон доларів на поміч містам постигнутых бурёв Гарві. Зробить так із своїх пріватных здроїв.
На гурікан другой катеґорії зосилнїла тропічна буря Ірма, котра ся находить у выходній части Атлантіку. Інформовало о тім америцькый Народный центер про Гуріканы. Подля них може Ірма при поступі з карібскій области іщі веце зосилнїти. Буря ся тягне на северозапад а до Карібіку бы могла дійти протягом наступного тыждня.
(Зденка Цітрякова)