Днесь ся одбывать стріча америцького президента Доналда Трампа с россійскым презідентом Владіміром Путіном. Трамп повів в часі свойой навщівы Великой Британії в інтервію про справодайску телевізію CBS News, же од даного саміту неочікує много. Як далі інформувала пресова аґентура ТАСР, в Британії быв шеф Білого дому на своїй першій офіціалній навщіві Споєного кральовства од наступу до презідентского уряду. В часі штирідньовой навщівы ся в пятницю стрітнув з премьєрков Великой Британії Терезов Мейовов і з кральовнов Алжбетов ІІ. Вікенд потім провів у своїм приватнім ґолфовім резорті на западі Шонтландії. В Лондині і по цілій Шонтландії ся в часі Трамповой навщівы одбывають демонштранції против його політиці, але і меншы акції, на котрых йому участниці высловлювали підпору.
(TASR)