Польскый презідент на понедільок наплановав стрічу з председничков польского найвысшого суду Малґоржатов Ґерсдерфовов і найвысшым представительом Народной судной рады Даріюшом Завітковскым. Інформовала о тім презідентьска канцеларія. Презідент є подля того самого жрідла приготовленый на меріторічну діскузію о реформі судництва і хоче дати представителям юстіції можливость, жебы одпрезентовали свої позіції. Обидвоми представителі судів суть знепокоєны недавныма кроками влады Беаты Шыдловой. В Польщі через вікенд знова протестовали тісячі Поляків в різных містах. Хотять, жебы презідент ветовав законы, котры прияли обидві коморы польского парламенту. Санкціями грозить і Европска унія, котра повторяно выразила знепокоїня в повязаню з найновшов сітуаційов в Польщі. Унія тоты найновшы крокы бере як огрожованя незалежности судів і демокрації в державі.
(Петро Медвідь)