x

Екзодус робочой силы з ЕУ огрожує потравінарьскый промысел в Брітанії

00

Скоро половина фірем в брітаньскій потравінарьскій сферї увела, же їх заместнанцї з Европской унії роздумують о одходї про неістоту звязану з брекзітом. Указало то найновіше сондованя міджі спрацователями потравин на брітаньскых островах. Потравинаре притім творять найвекшу ґрупу в рамках выробных фірем в Брітанії а суть залежны од робочой силы з ЕУ. Діскусія о впливі брекзіту ся притім замірёвала главнї на ёго дослїдкы про автомобіловый і летєцькый промысел. 35% фірем в сондованю сконштатовало, же їх фірмы бы не были жывотаспособны без приступу к робочій силї з ЕУ.
(Зденка Цітрякова)