Запоїня сепаратистів з Донбасу до дискусії о послані міровых сил ОСН на выход Україны є про ОСН непреятельне, повів то вчера говорця німецького міністерства заграничынх діл Мартін Шефер. Інформувала о тім аґентура Уніан. Рускый презідент Владімір Путін повів, же Москва предложыть пропозицію в Безпечностній раді ОСН на резолуцію о выслані міровых сил ОСН на выход Україны с цільом забезпечіти безпечность позоровательськой місії Орґанізації про безпечность і сполупрацу в Европі. Путін шак підкреслив, же міровы єдноткы ОСН бы были поужыты лем повздовш демаркачной лінії, а то по стягнутю тяжкой зброї.
(Петро Кімак-Фейко)