x

З брітаньской влады одышли уж трьоми люди

00

Брітаньскый міністер загранічных діл Борис Джонсон в понедільок резіґновав на свою функцію. Інформовав о тім денник The Guardian. Є то уж третій чоловік кабінету Тересы Мейовой, котрый одышов почас 24-ох годин. З влады одышов і міністер про брексіт Дейвід Дейвіс і його заступник Стів Бейкр. Джонсон подля денника редше одступив, як бы мав підпорити план премєркы на такзваный мягкый брексіт. Рішіня оголосив лем пів годины перед проявом Мейовов о брексіті. Мейова подля выголошіня свойой канцеларії резіґнацію Джонсона прияла і занедовго має оголосити, хто вычерять одходжаючого міністра. За нового міністра про брексіт быв у понедільок выменованый дотеперішній міністер будованя Домінік Рааб. Мейова в понедільок обгайовала перед парламентом свої крокы, з котрыма резіґнованы членове влады не были согласны. Подля їй слов є план правилный і Великобрітанія бы і по выступліню з Европской унії мала з рештов того блоку творити зону вольного бізнісу. Тота бы мала дотуляти ся товарів, но не служеб.

(Медвідь)