Споєны штаты Америкы не сміють ани роздумовати о воєньскій акції в реакції на крізу у Венезуєлі. Выголосив то в неділю колумбійскый презідент Хуан Мануел Сантос на пресовій конференції, котру мав вєдно із америцькым віцепрезідентом Майком Пенсон в Картаґені. Реаґовав тым на минулотыждньовы слова шефа Білого дому Доналда Трампа, котрый припустив і воєньску можливость рішіня проблему. Подля Сантоса США і Колумбія суть великыма приятелями, але „кідьже приятелі бы собі мали говорити правду,“ о воєньскій інтервенції „бы ся не мало ани роздумовати“. Америка є подля нього контінентом міру і так бы то мало і зістати, підкреслив презідент Колумбії.
(Петро Медвідь)