Опозічны брітаньскы лейбрісты в неділю оголосили, же в часі переходного періоду по брексіті підпорять утриманя Великобрітанії на єднотнім економічнім рынку Европской унії і в цолній унії. Як оголосила Лейбрістічна партія, выступліня Великобрітанії із рынку Европской унії такой по марці 2019-го року, коли є офіціална дата брексіту, бы было даремне і была бы то барз різікова путь. Тіньовый лейбрістічный міністер про брексіт Кейр Стармер підкреслив, же його партія хоче, жебы Великобрітанія зістала коло дотримованя условій свого сучасного членства і почас далшого періоду, аж до доїднаня кінцьовых односин меджі ЕУ і Великобрітанійов.
(Петро Медвідь)