Прогру в неділю потерпів французькый презідент Емануел Макрон із свойов партійов Франція в рушаню. В неділю у Франції проходили выборы до Вышньой коморы парламенту – Сенату, в котрых єднозначно выграли традічны конзерватівці. В недільняйшых выборах, в котрых не волили люди, але коло 75 тісяч волебных представителів, ся обсаджовало 170 із 348 кресел в Сенаті, подля проґноз выходить, же Конзерватівна партія здобыла 146 аж 156 із них. Макронова патрія бы їх мала мати лем коло 22. Французькому презідентови Макронови бы то але не мало боронити в планованых реформах, бо конечне слово в леґіслатіві має Нижня комора парламенту, де і дакотры конзерватівці підтримують планы презідента, і де мать його партія міцне заступліня. До Сенату ся нияк не дістав крайно правіцьовый Народный фронт Марін Ле Пеновой.
(Петро Медвідь)