Напад на ромскый табор у Львові собі выжадав єдну жертву на жывоті. Маскована ґрупа людей на Ромів напала в суботу коротко перед півночов. Інформовала о тім україньска поліція. Інцідент не пережыв 24-річный муж, котрый походив із Закарпатьской области Україны, далшы штирьоми, в тім чіслі 10-річный хлопець, суть зранены. Тот напад на Ромів не быв першым на Україні. В апрілю країно правіцьова ґрупа Ц14 підпалила шатра в ромскім таборі в Києві. Вчера проти того протестовали представителі ромской комуніты в Ужгороді. Людьскоправны орґанізації тот місяць вже остерігали в сполочнім писмі перед наростаючім чіслом атаків крайной правіці на меншыны на Україні. Уряды подля тых орґанізацій не доказали на інціденты реаґовати і то веде до атмосферы майже цілковой безкарности, што може повзбудити екстремістів. За офіціалным переписом є на Україні коло 40 тісяч Ромів, неофіціалны штатістікы пишуть аж о 260-ох тісячів.
(TASR)