Іспаньскый суд днесь выдав европске наряджіня на затриманя одкликаного каталаньского премєра Карлеса Пудждемона. Про белґіцку телевізію то увів ёго правник. Наряджіня на затриманя были выданы і на чотырёх бывшых каталаньскых міністрів, котры ся таксамо як Пудждемон моментално находять в Белґії. Ёго правник назначів, же Пудждемон ся буде одволавати проти будьякій пробі белґіцькых урядів о ёго выданя до Іспанії. Мадрід выданя наряджіня на затриманя не потвердив. Скорішы справы іспаньскых медій з четверя уваджали, же судкыня Кармен Ламелова европскы наряджіня на затриманя приготовила, але офіціално їх іщі не выдала. Вшыткы пятеро каталаньскы законодарцї были передкликаны на выслух на Народнім судї в Мадрідї. Обвінены суть з бунтарства, провокації до взбуры проти владї, як і з розкраданя верейных коштів. За то їм в припадї усвідченя грозить аж 30 років позбавленя волї.
(Зденка Цітрякова)