Німецькый презідент Франк-Валтер Штайнмаєр днесь зачав дводньову навщіву Україны. Став першым німецькым презідентом, котрый єй навщівив. В Києві быв уж веце раз, но як міністер загранічных діл в періоді по зачатю україньской крізы. Подля аґентуры DPA бы ся розговоры головы німецькой державы з представителями Україны мали концентровати на стан реформ, дотримованя прінціпів правной державы і на проблематіку боротьбы з корупційов. Говорити ся буде і о іншых темах, включно можливого высланя мірной місії Орґанізації зъєдиненых народів на Донбас. Штайнмаєр в Києві стрітить ся з найвысшыма конштітучныма чінителями включно презідента Петра Порошенка і премєра Володиміра Гройсмана. В середу навщівить западоукраїньске місто Львів.
(TASR)