x

Одбыло ся перше робоче засіданя Европской комісії

00

Членове Европской комісії, такзване колеґіюм комісарів, вчера по першый раз мали робоче засіданя, абы продискутовали інштитуціоналны пріоріты на рік 2018. На основі справы ЕК то буде рік безодкладный на зреалізуваня реформы господарской і меновой унії, заіщіня безпечности вонкайшых границь ЕУ, переоцініня дотеперішнього азілового сістему ЕУ, поверненя к фунґуючому шенґенскому простору, докінчіня діґіталного єднотного торгу і дальше приближіня країн западного Балкану к Унії. ЕК інформувала, же мать на робочім столі 89 пріорітных леґіслатівных пакунків, з того 29 уж было представеных. Комісары дискутовали о тім як забезпечіти, абы і решта леґіслатівных опатрінь была опублікованых іші перед майом 2019, то значіть перед зачатьом кампані перед вольбами до Европского парламенту. Тоты ся будуть одбывати од 6. до 9. юна 2019 у вшыткых членскых країнах ЕУ.
(TASR)