x

Орбан в річніцю повстаня крітіковав Брусел

00

Мадярьскый премєр Віктор Орбан вчера, в день 61-ой річніці повстаня проти совітськой окупації, котре проходило в році 1956, крітіковав Брусел, інформовала о тім TASR. Мадярьскый політолоґ Петер Креко собі думать, же є абсолутно абсурдне, же премєр із нагоды річніці револуції проти діктатуры і окупації свій прояв в понедільок збудовав на крітіці Брусела і ґлобалізації, притім Росії не адресовав жадны крітічны слова. „Крітіка Росії в Орбановім прояві не зазвучала наперек тому, же із минулорічных высылань російской державной телевізії знаме, якы погляды має режім презідента Владиміра Путіна на тоту револуцію – бере єй за пуч CIA,“ повів Креко.
(Петро Медвідь)