Пару, яка ся сконтактовала на мослімскій зознамцї одсудили у четверь на довгорішный трест одобраня слободы за планованя бомбового утоку в Брітанії. Прокуратура увела, же жадатель о азіл, 37 річный Мунір Могаммед із Судану а 32 річна лондоньска фармацевтка Роваіда Ел-Гассанова ся зознамили на зознамовацій странцї. Пару зближыли радікалны погляды, причім собі вымінёвали відеа поправ і далшый екстремістічный матеріал. Судця вырїшив, же Могаммед піде до басы дожывотно без можности условного пропущіня скорше як о 14 років. Ел-Гассанова дістала трест 12 років а далшых пять років басы условно. Обидвох узнали винныма з приправы терорістічных дїй іщі зачатком януара. Інформацію принїс справодайскый портал Teraz.sk
(Зденка Цітрякова)