Перед польскым вельвысланецьтвом в ізраільскім містї Тел Авів ся в четвер одбыла демонштрація людей, котры пережыли голокавст. Протестовали проти контровезным леґіслатівным змінам в Польщі. Підкреслёвали, же ниякый закон не може вымазати історію. Была то реакція на новелу закона о польскім Уставі памяти народа, котру підписав у вівторок польскый презідент Анджей Дуда. То выкликало діпломатічну конфронтацію міджі Польщов і Ізраілом. Презідент але авізовав, жепідписану новелу іщі пошле на посуджіня уставному суду країны. Закон бы мав уможнити трестати тых, котры будуть приписовати одповідность за голокавст Полякам. Інформацію принїс справодайскый портал Teraz.sk.
(Зденка Цітрякова)