Европська фінанчна поміч про Ґрецію буде на основі слов шефа Европского стабілізачного механізму Клавса Реґлінґа о много нижша, як ся спочатку плановало. “Сме рады, же обєм уверів про Ґрецію буде омного меншый як є строп 86 міліярд евр становленый проґрамом Европского стабілізачного механізму,“ повів Реґлінґ. Гроші, котры ся неминули, ся можуть поужыти на іншы заміры, наприклад на сплачіня уверів іншым верітелям. Предпокладом даного довгового полекшаня є шак, абы Ґреція зреалізувала обіцяны реформы і абы вшыткы державы еврозоны с ньов были згодны.
(Петро Кімак-Фейко)