В Польщі не існовала інштітуціоналізована участь на голокавсті, но дакотры Поляци выконали злы чіны намірены проти своїх жыдівскых сусідів. В понедільок то повів польскый презідент Анджей Дуда з тым, же бы собі ниґда не дозволив очорньованя Польщі і Поляків посердедництвом фалошных обвинінь. Презідент реаґовав на неволю Ізраіля выкликану польсков пропозіційов закона, подля котрого буде незаконне публічно обвиньовати Польщу за націстічны злочіны зроблены почас голокавсту. Дуда почас понедільковой навщівы міста Зоры повів, же называня лаґрів, котры збудовало і справовало Німецько в окупованій Польщі, терміном „польскы таборы смерти“ є прикладом тверджінь, котрых закон дотулять ся. Наслідно одсудив антісемітізм і далшы формы ненависти, інформовала аґентура Associated Press.
(Петро Медвідь)