x

Презідент Турції буде головов штату і влады

00

Tурецькы воличі в недільняйшім референдумі ся высловили до 18 пропонованых уставных змін обычайным – ГЕЙ або НІ. Подля новых правил буде презідент нелем головов штату, aлe і влады, причім функція премєра заникне. Як інформовала аґентура Анадолу, выслідкы референдума скінчіли лем тіснов перемогов. Затля, што турецькый презідент Eрдоґан споминать перемогу країны, oпoзiця ся скаржыть на маніпулацію, бо Найвысша волебна рада узнала волебны листкы без офіціалной печаткы. Схвалены зміны бы мали вступити до платности по парламентных вольбах в році 2019. Но турецька опозіція жадать ануловати выслідкы референдума. I днесь люди в уліцях велькоміст протестують скандуючі гесла як: Злодій, враг Ердоґан!. І подля представителів ОБСЕ правне забезпечіня турецького уставного референдума не было подля достаточне.