x

Пуждемонт бы ся мав рихтовати до Мадріду

00

Каталаньскый премєр Карлес Пуждемонт ся подля офіціално непотвердженых інформацій медій має рихтовати до Мадріду, жебы там в іспаньскім Сенаті презентовав свою позіцію ку сучасному конфлікту міджі централнов іспаньсков і його реґіоналнов владами. Подля денника El País му сенат запропоновав на тото выступліня четверь. Но то є день, коли ся мають стрітити депутаты каталаньского парламенту, жебы продіскутовати думку іспаньской влады перевзяти часточну контролю над тым реґіоном. Так само бы в тото день могли голосовати о незалежности Каталанії. Мадрід запропоновав Пуждемонтови і пятніцю, навспак, середа Сенату не пасує. В котрый день і ці премєр Каталанії выступить в Мадріді, так зіставать неясне.
(Петро Медвідь)