x

Росія выгостила двох ґреческых діпломатів

00

Російска влада выгостила двох діпломатів Ґреції, чім одповіла на єднакый крок Ґреції із попереднього місяця. Подля понедількового выголошіня, із котрого цітовала аґентура Associated Press, собі Міністерство загранічных діл в Москві закликало ґреческого посла Андреаса Фріґанаса, жебы го познакомити з тов одповідьов на „неприятельскы чіны“ із боку Атен. Резорт діпломації не публіковав мена діпломатів, котры мають одыйти із Росії. Ґреція выгостила іщі в юлі діпломатів, котры робили на амбасаді Росії в Атенах. Причінов были підозріня, же помагали фінанцовати протесты проти договора о закінчіню спору меджі Ґреційов і Македонійов, котрого предметом была назва другой із менованых держав.
(Медвідь, TASR)