Рускый презідент Владімір Путін обгаёвав вердікт зохабити отворены легко переходны границі свойой державы с реґіонами Україны постигнутыма войновым конфліктом. Арґументує то тым, же ся такым способом передыйде масакру, якый в 1995 року зазнали боснянске село Сребреніця. Конфлікт в українскых реґіонах Донецко і Луганско ся зачав потім, як ся в українскій метрополі Кієв дакілько тыжднів одбывали масовы протесты проти бывалому прорускому презідентові Вікторові Януковічові. Сребреніцкый масакер быв ґеноцідов вецей як 8 000 боснянскых мослимів – мужів і хлопців – почас розпаду бывалой Югославії в юлі 1995. Дійшло до нього в послідній рік войны в Босні, котра одбывала ся од апріля 1992 до децембра 1995 меджі містным боснянскым обывательством і тамтешніма сырбскыма силами.
(Петро Кімак-Фейко)