x

Рускы уряды ліквідують місця на паркованя при конзулатах Споєных штатів америцькых

00

Рускы уряды редуковали місця на паркованя перед конзулатмі Споєных штатів америцькых в Руску. Дала то до відома аґентура АП, на основі котрой іде о часть продовжуючого діпломатічного конфлікту меджі Вашінктоном і Москвов. Руска штатна телевізія Росія 24 днесь інформувала о ліквідації місць на паркованя перед америцькым ґенералным конзулатом в Петрограді, котры были перемальованы на перехід. Перед дальшым ґенералным конзулатом Споєных штатів америцькых в Єкатерінбурґу были знова зліквідованы передназначіня на місця про паркованя. Даный конфлікт набрав на динамікі коротко по тім, як Руско приказало Споєным штатам америцькым понижыти чісло працовників свойой амбасады в Москві а вшыткых трьох конзулатів о 755. Споєны штаты америцькы реціпрочні дали заказ заперти рускый конзулат в Сен Френцізку, конзуларны канцеларії в Нью Йорку і обходны місії во Вашінґтоні.
(Петро Кімак-фейко)